انصار: (د لړم ۱۳مه)، د طالبانو د حکومت د کرنې او مالدارۍ وزارت مرستیال صدراعظم عثمان ، په چین کې د بېوزلۍ د کمولو او د کرنې د ودې په نړۍوال کنفرانس کې د نړۍ له هېوادونو د مرستې غوښتنه کړې.
نوموړي ویلي که نړۍ غواړي چې، بېوزلي کمه کړي، اړینه ده،چې له افغانستانه پيل وکړي.
د طالبانو وزیر له نړۍ د افغان بزګرانو لپاره د کوکنارو د بدیل کښت د پروګرامونو اجرا کېدل غوښتي.
هغه زیاته کړې چې، کوکنار یوازې د افغانستان لپاره ننګونه نه ده؛ بلکې نړۍ هم له هغې زیانمنېږي.
دا په داسې حال کې ده، چې اوسمهال ډېری افغان کروندګر پر حاکم نظام له دې امله نیوکه کړې،چې د دوی رسېدلي حاصلاتو ته د بازار غم نه کوي.
دوی وایي لازمه ده چې چارواکي د بدیل کښت پر ځای د دوی شته حاصل ته کورنی او نړیوال بازار پیداکړي څو دوی پکې د خپلو لاسونو د کړې خوارۍ حاصل وپلوري.
URL تعقيب: https://www.ansarpress.com/pashto/34199
د فرشتې کوهستاني او د هغه د ورور مړي خاورو ته وسپار شول